بۆمبێك لە باخچەكەمدا: دانپێدانانەكانی داڕێژەری سەرەكیی بەرنامەی چەكی ئەتۆمیی سەدام حوسێن

بۆمبێک لە باخچەکەمدا، دانپێدانانی زانایەکی عێراقییە، کە بە داڕێژەری سەرەکیی بەرنامەی ئەتۆمیی سەدام حوسێن دادەنرێت. کتێبەکە بە هاوکاری لەگەڵ کێرت پیتزەر -ڕۆژنامەنووسێکی بە ئەزموون- نووسیویەتی و تیایدا تیشک دەخاتە سەر چیرۆکی دروستکردن و پەرەپێدانی چەکی ئەتۆمی لە لایەن عێراقەوە و چۆن تونرا لە ماوەیەکی زۆر کەم بگەنە پیتاندنی یۆرانیۆم و دواجار هەوڵەکانیان بۆچی شکستی هێنا؟

بە گوتی عوبێدی، زانا کوردەکان ڕۆڵی گرنگ و بەرچاویان هەبووە لە پیتاندنی یۆرانیۆم و دەڵێت کە کوردەکان بە زیرەکی و پڕ وزە و چالاکی ناسرابوون.